Travmanın İzləri: ‘Mother, Couch’ Filminin Dərinlikləri
Hayat, işe yaramayan eşyalara takılmayacak kadar kısa...
Niklas Larsonun “Mother, Couch” filmi sadə hekayəsi ilə yanaşı, görüntü dili və sirrli atmosferi ilə də tamaşaçını özünə cəlb edir. Film ailə münasibətlərinin mürəkkəbliyini və keçmişin insan həyatına təsirini araşdırır.
Filmin Hekayəsi
Filmdə hadisələr Devidin (Ewan McGregor) anası (Ellen Burstyn) ilə bağlıdır. Anası mebel mağazasında divanda oturub və oranı tərk etmək istəmir. Bu qəribə vəziyyət Devidin keçmişini, uşaqlıq xatirələrini və ailəsi ilə olan münasibətlərini yenidən gündəmə gətirir. Film ailə daxilində sevgi və travmaların insan həyatını necə formalaşdırdığını göstərir.
Sevginin Yoxluğu və Keçmişin İzləri
Film boyu məlum olur ki, ananın üç övladı müxtəlif adamlardandır və o, övladlarına kifayət qədər sevgi göstərə bilməyib. Bu, onların da sevgi hissindən məhrum böyümələrinə səbəb olub. Ancaq filmin gedişində öyrənirik ki, ananın öz valideynlərindən də sevgi görməməsi bu vəziyyəti yaradan əsas səbəblərdən biridir. Beləliklə, travmaların nəsildən-nəsilə ötürülməsi mövzusu qabardılır.
Divanın və Mağazanın Simvolik Mənası
Film boyu “divan” sadəcə bir mebel əşyası kimi deyil, həm də simvol kimi təqdim edilir. Anası üçün divan təhlükəsiz və rahat bir sığınacaqdır. Devid üçün isə divan keçmişin ağır yükünü və əsirlik hissini təmsil edir. Bu, həyatımızda əşyaların emosional mənası barədə düşünməyə vadar edir.
Film boyu mağaza sadəcə hadisələrin baş verdiyi məkan deyil, həm də simvol kimi təqdim edilir. Mağaza keçmişlə üzləşmə, sıxıntılar və şəxsi axtarışların rəmzi kimi çıxış edir. Devid və anası üçün mağaza bir növ psixoloji labirintdir. Onlar bu məkanda həm özləri, həm də bir-biriləri ilə üzləşirlər. Mağazanın qapalı və sıxıntılı atmosferi bu qarşıdurmaları daha da vurğulayır. Kamera planları və rəng palitrası tamaşaçını hadisələrin duyğusal dərinliyinə daha da yaxınlaşdırır.
Film boyu əkiz obrazlar diqqət çəkir. Əkizlər Devidin keçmişindəki bölünmüş kimliyini və ailə əlaqələrindəki tarazsızlığı təmsil edə bilər. Əkizlər həm də ailədə olan parçalanmanın və ziddiyyətlərin metaforası kimi görünür.
Filmin Mesajı
“Mother, Couch” ailə münasibətlərinin mürəkkəbliyini və keçmişin insan həyatına təsirini göstərən bir filmdir. Lakin bəzi səhnələrin uzun və qarışıq olması filmin əsas mesajını izləyiciyə tam çatdırmaqda çətinlik yaradır. Sonda tapılan məktublar da bu mesajı tam mənada gücləndirə bilmir.
Film bizi belə bir sual üzərində düşünməyə vadar edir: Həyatınızda “divan” hansı xatirələri və ya emosiyaları təmsil edir? O, sizin üçün rahatlıq simvoludur, yoxsa keçmişin ağır yükü?
