Yaponiyanın ortasında yerləşən Nara şəhəri 1200-dən çox Xallı marala ev sahibliyi edir. Onlar heç kimə zərər vermədən və heç kimdən zərər görmədən sərbəst şəkildə şəhərdə gəzirlər. Şəhər nəqliyyatı və ya piyadalar onları heç narahat etmir. İstədikləri kimi yolun kənarında oturub nəqliyyatın hərəkətinə mane ola bilərlər. Bundan heç kim narahat olmur. İnsanlar onların şəklini çəkir və tıxacda olanlar bu marallara baxaraq keçir.
Əslində adı çəkilən bütün bu gözəlliklər 1880-ci ildə Nara əyalətinin qubernatorluğu tərəfindən qəbul edilmiş qərarla üzə çıxarılmışdır. 660 hektarlıq ərazi milli park elan edilmiş və Parkın idarə edilməsi Nara Qubernatorluğuna məxsusdur. Bu parkda və Nara şəhərində 1200 vəhşi Xallı maralı sərbəst gəzir.
1637-ci ilə qədər bu maralları öldürmək qadağan idi və bu insanlar ölümlə cəzalandırılırdı. Yaponiyanın milli inancı olan Şintoda marallar tanrıların göndərdiyi elçilər hesab edilir. Bu gün onlar milli sərvət kimi qəbul edilir və qorunur.
Vakakusa dağlarının ətəyində yerləşən bu gözəl bölgədə Kasuqa məbədi olduğu üçün hər il yüz minlərlə yapon gəlib bu ziyarətgahda sitayiş edir. Nara Milli parkının bir hissəsi əvvəllər şəxsi mülkiyyət idisə, indi tamamilə ictimaiyyətə açıqdır və xalqın istifadəsinə verilib.
Nara Milli Parkının bir hissəsində yerləşən Kasuqayama Meşəsi 250 hektar ərazini əhatə edir və burada 175 növ ağac, 60 növ quş və 1180 növ həşərat yaşayır. Bölgədə ov və yaşayış 841-ci ildən qadağan edilmişdir. Bu tarixdə müəyyən edilmiş qaydalar bu günə qədər qorunub saxlanılıb və tətbiq edilib. Buna səbəb bölgədəki Kasuqa məbədinin ibadət mərkəzi olmasıdır.
Xallı marallar vəhşi heyvan olsa da, Nara parkda keçirdikləri 1300 il ərzində əhliləşdirilib və insanlara alışıblar. Maralları yemləmək üçün hər yerdə peçenye mübadiləsi mümkündür. Bununla belə, şəxsi qidalanmanız üçün çıxardığınız yeməklərdən də öz paylarını almaqda çox israrlıdırlar. Onlar mehriban it və ya ərköyün pişik kimi parkın çox qonaqpərvər və çox ac sakinləridir.
