Dünyada çox fərqli xüsusiyyətlərə malik onlarla ölkə var. Bəzi ölkələr özünəməxsus təbii gözəllikləri, bəziləri isə qiymətli mədəni irsi ilə seçilir. Digərləri isə ağır həyat şəraiti ilə tanınırlar.
Ancaq Sakit Okeanda, Havay ilə Avstraliya arasında yerləşən ada ölkəsi Tuvalu bildiyiniz bütün ölkələrdən fərqli bir xüsusiyyətə malikdir. Tuvalu dünyanın “ən dar” ölkəsidir.
Bu qeyri-adi başlıq həm ölkəni, həm də insanların həyatını kifayət qədər maraqlı edir. Tuvalu cəmi 9 adadan ibarətdir. Bu adalardan 4-ü rif, 5-i isə mərcan adalarıdır.
Ölkədə cəmi 11900 insan yaşayır. Başqa sözlə, Tuvalu Vatikandan sonra dünyanın ən az əhalisi olan ölkədir. Həmçinin, Tuvalu Birləşmiş Millətlər Təşkilatının ən az sakinli üzvüdür. Ölkə əhalisinin yarıdan çoxu paytaxt Funafutidə yaşayır.
Tuvalu 1978-ci ildə müstəqilliyini elan edib. Bu tarixə qədər o, Birləşmiş Krallığın bir hissəsi kimi mövcud idi. Bununla belə, Tuvalu hələ də İngilis Millətlər Birliyinin üzüdür. Başqa sözlə, ölkənin rəsmi hökmdarı Böyük Britaniyanın Kralıdır.
Bir çox ada ölkələri kimi onun da füsunkar təbiət gözəllikləri var. Təmiz çimərliklər, təmiz okean suları və yamyaşıl ağaclar Tuvalunu əsas cazibə halına gətirir. Ancaq ölkəni turistlər üçün maraqlı edən bu təbiət gözəlliklərinin heç biri deyil. Bura səfər edən insanlar dünyanın ən dar ölkəsinin necə göründüyü ilə maraqlanırlar.
Belə ki, ölkənin eni cəmi 1,8 kilometrdir. Tuvalunun ən geniş nöqtəsi isə cəmi 5 kilometrdir. Təbii ki, bu qeyri-adi titul ölkənin populyarlığını artıran ən mühüm amildir. Bununla belə, bu vəziyyət Tuvalu xalqı üçün bir sıra ciddi problemlər də yaradır. Ölkənin dəniz səviyyəsindən ən yüksək nöqtəsi cəmi 4,8 metrdir. Bu səbəbdən Tuvalu demək olar ki, hər an okean sularının qalxması ilə batmaq təhlükəsi ilə üzləşir.
Dünyanın ən dar ölkəsində həyat göründüyündən qat-qat çətindir.
Bu kiçik ada ölkəsində içməli su ehtiyatları çox məhduddur. Bundan əlavə, ölkədə torpaq sahələri son dərəcə yararsız olduğundan kənd təsərrüfatı məhsullarının istehsalı asan deyil. Buna görə də, Tuvaluda yaşayan insanlar ehtiyac duyduqları məhsulların demək olar ki, hamısını xaricdən alırlar.
Amma ölkədə tədarük zənciri bir ipdən asılıb. Çünki ölkəyə daşınma yalnız dəniz yolu ilə mümkündür. Bu səbəbdən pis hava şəraitində ölkəyə çatdırılma çox çətinləşir, bəzən isə tamamilə qeyri-mümkün olur. Buna görə Tuvaluda yaşayan insanların hər an hər cür mənfi vəziyyətə hazır olması və həyatlarını buna uyğun formalaşdırması lazımdır…
